"არა ოკუპანტ რუსეთს" - როგორ ეხმაურებიან ე.წ. აგენტების კანონს მოსამართლეები ლევან დარბაიძე და მამუკა წიკლაური
ქვეყანაში განვითარებულ პროცესებს ეხმაურებიან მოსამართლეები.
გორის რაიონული სასამართლოს მოსამართლე ლევან დარბაიძე რუსული კანონის წინააღმდეგ პროტესტსა და ქვეყანაში განვითარებულ მოვლენებს ასე ეხმაურება:
"თუ მე, როგორც რიგითი საქართველოს მოქალაქე, ვერ დავიცავ საქართველოს კონსტიტუციას (78-ე მუხლი), ჩემ სამშობლოს, როგორ დავიცავ ადამიანის უფლებებს, რომელთა წინაშეც ვარ ანგარიშვალდებული?! რა თქმა უნდა, წინ, ევროპისკენ!"
"საქართველოს კონსტიტუციის 78-ე მუხლი მავალდებულებს ქვეყნის ინტერესების დაცვას, რომ ევროპის ნაწილი გავხდეთ. წინ ევროპისკენ. არა ოკუპანტ რუსეთს", - წერა თელავის რაიონული სასამართლოს მოსამართლე, მამუკა წიკლაური, რომელიც საქართველოს ეროვნული ნაკრების ფეხბურთელის, ბუდუ ზივზივაძის პოსტს აზიარებს.