"მომაწექით..." - ალეკო ელისაშვილმა პოლიციის კორდონის გარღვევა სცადა: ის პრემიერთან შეხვედრას ითხოვს (ვიდეო)
მთავრობის კანცელარიასთან ცოტა ხნის წინ სიტუაცია დაიძაბა. "მოქალაქეების" ლიდერმა ალეკო ელისაშვილმა კანცელარიაში შესვლა სცადა, რისი უფლებაც მას სამართალდამცველებმა არ მისცეს.
"მომაწექით... ჩამოვიდნენ ლაჩრები და დაგველაპარაკონ, ჩამოდით!" - ამბობს ელისაშვილი და ცდილობდა პოლიციის კორდონის გარღვევას.
- მთავრობის ადმინისტრაციასთან ამ დროისთვის ხმაურია. პოლიტიკოსები და აქციის მონაწილეები მთავრობის ადმინისტრაციაში შესვლას ითხოვენ, სამართალდამცავები კი მათ ამის ნებას არ აძლევენ.
შეგახსენებთ, რომ აქციის - "არა რუსულ კანონს" მონაწილეების მიერ ხელისუფლებისთვის "უცხოური გამჭვირვალობის შესახებ" კანონპროექტის გაწვევისთვის მიცემული 1 - საათიანი ვადა ამოიწურა, რის შემდეგაც აქციის მონაწილეებმა მთავრობის ადმინისტრაციასთან გადაინაცვლეს.
აქციის ერთ-ერთი წამყვანის, ლევან ცუცქირიძის განცხადებით, მთავრობის ადმინისტრაციასთან გადანაცვლების შემდეგ ხელისუფლებისგან კანონის უკან გაწვევას და დაკავებულების გათავისუფლებას მოითხოვენ. ასევე, შეკრებილების მოთხოვნაა, აქციაზე გავიდეს პრემიერ-მინისტრი ირაკლი კობახიძე.
საქართველოს პარლამენტმა, 83 ხმით „უცხოური გავლენის გამჭვირვალობის შესახებ“ კანონპროექტი დღეს პირველი მოსმენით მიიღო. კანონპროექტის კენჭისყრას სამდღიანი ხმაურიანი საკომიტეტო და სასესიო განხილვა უძღოდა წინ.
წაიკითხეთ ასევე: "პოლიციას არანაირი განკარგულება არ აქვს - თუ სამართალდარღვევა, ძალადობა მოხდება, კანონის შესაბამისად ვიმოქმედებთ" - ვაჟა სირაძე
ნახეთ ვიდეო: