პესკოვის, მედვედევისა და დუგინის შემდეგ ე.წ. აგენტების ქართული კანონპროექტი ლავროვსაც მოსწონს

პესკოვის, მედვედევისა და დუგინის შემდეგ ე.წ. აგენტების ქართული კანონპროექტი ლავროვსაც მოსწონს.

კანონპროექტი უცხოელი აგენტების შესახებ, რომელსაც ახლა საქართველოში განიხილავენ, გაცილებით უფრო რბილია, ვიდრე ბევრ სხვა ქვეყანაში, მათ შორის აშშ-ში, საფრანგეთსა და პოლონეთში, - ამის შესახებ რუსეთის საგარეო საქმეთა მინისტრმა, სერგეი ლავროვმა რუსულ მედიასთან ინტერვიუში განაცხადა.

"საქართველოში ყველა ამ დემონსტრაციამ სალომე ზურაბიშვილი სიტყვის თავისუფლებისთვის მებრძოლად აქცია, თუმცა კანონი ყველაზე რბილია და თავად აშშ-ში, საფრანგეთში, პოლონეთსა ბევრ სხვა ქვეყანაში არსებობს კანონები ჯარიმებით სისხლისსამართლებრივი პასუხისმგებლობით, თუ ფულს იღებ, ამაზე არ ლაპარაკობ და ამ ფულით რაღაცას არასწორად აკეთებ. ქართული კანონპროექტი "უცხოური აგენტების შესახებ“ მხოლოდ თანხების დეკლარირებას მოითხოვს, თუ ორგანიზაცია დაფინანსების 20%-ზე მეტს უცხოეთიდან იღებს“, - აღნიშნა ლავროვმა.

იხილეთ ასევე:

• "თბილისში უცხოელი აგენტების შესახებ კანონზე დისკუსია ქუჩის შეტაკებებსა და მხიარულ, ქართულ ჩხუბში გადავიდა - ყველა მსგავსი აქციის უკან "ჰოლივუდის“ ხელია" - მედვედევი
• "საქართველოს სჭირდება სტალინი, თორემ გლობალისტი ნაძირალები დაანგრევენ ამ ლამაზ ქვეყანას" - დუგინის აზრით, "საქართველო სწორ გზაზეა": რას წერს კრემლის პროპაგანდისტი
• "აგენტების შესახებ ქართული პროექტის რუსეთთან დაკავშირების მცდელობები აბსურდულია" - პესკოვი