"ტომი მისთვის არ არსებობს... რომ დაურეკოს, არ უპასუხებს" - ტომ კრუზის ულამაზესი ქალიშვილი, რომელიც მამას არ აღიარებს: რატომ არ აქვს შვილთან ურთიერთობა ჰოლივუდის ვარსკვლავს

ჰოლივუდის ვარსკვლავის, ტომ კრუზის ცნობილი მემკვიდრე, სური კრუზი სრულწლოვანი გახდა. გოგონას ოქროს დაბადების დღე ჰქონდა, 18 აპრილს 18 წელი შეუსრულდა. აქედან უკვე 12 წელია რაც ცნობილ მამას არ შეხვედრია და მასთან ტელეფონითაც კი არ უსაუბრია.

• მშობლების განქორწინების შემდეგ, სური ნიუ-იორკში დედასთან, მსახიობ ქეით ჰოლმსთან ერთად ცხოვრობს. როდესაც გოგონამ დაბადების დღის ტორტზე სანთლები აანთო, ტომი მათგან ხუთი ათასი კილომეტრით იყო დაშორებული, ლონდონში, სერიალის Mission: Impossible მორიგი სერიის გადაღებაზე.

ოჯახის ახლობლების თქმით, სური საერთოდ არ ღელავდა, რომ მისთვის ამ მნიშვნელოვან დღეს მამა გვერდით არ ჰყავდა.

• "ტომი მისთვის არ არსებობს", - ამბობენ ქეით ჰოლმსის ნაცნობები.

დაბადების დღის აღნიშვნის შემდეგ, სურიმ უკანასკნელი კავშირიც გაწვიტა მამასთან - ამიერიდან ტომი მას ყოველწლიურ ალიმენტს, 400 ათასი დოლარის ოდენობით აღარ გადაუხდის.

კრუზი ჰოლივუდის ერთ-ერთი უმდიდრესი მსახიობია, მისი ქონება 600 მილიონ დოლარს შეადგენს. მაგრამ გოგონას მეგობრების თქმით, ამხელა თანხის მიღების პერსპექტივაც კი არ უბიძგებს სურის გააუმჯობესოს ურთიერთობა მამასთან.

"სურის არ სურს რაიმე კონტაქტის აღდგენა მამასთან. რომც დაურეკოს, ის არ უპასუხებს“, - განუცხადა Daily Mail-ს ოჯახთან დაახლოებულმა წყარომ.

ტომ კრუზი და ქეითი ჰოლმსი 2006 წელს დაქორწინდნენ. მსახიობებმა მდიდრული ქორწილი იტალიაში გადაიხადეს. ექვსი თვით ადრე ახალდაქორწინებულებს შეეძინათ ქალიშვილი სური, თუმცა 2012 წელს ქეითმა ქმრისთვის მოულოდნელად, განქორწინება და ქალიშვილზე სრული მეურვეობა მოითხოვა.

• მსახიობმა თქვა, რომ ის უარს ამბობს საიენტოლოგიურ რწმენაზე, რომელსაც ტომი აღიარებდა და სურდა გოგონა კათოლიკური რწმენით აღეზარდა.

გავრცელებული ინფორმაციით, საიენტოლოგიური ეკლესია, რომლის მიმდევარიც 58 წლის კრუზია, უკრძალავს მას ქალიშვილთან ურთიერთობას, რადგან გოგონა მათ რიგებს არ შეუერთდა.

ფაქტია, რომ ქეითთან ურთიერთობის გაწყვეტის შემდეგ, ტომმა გაწყვიტა ურთიერთობა ქალიშვილთანაც. 2015 წელს კრუზი გადავიდა აშშ-დან დიდ ბრიტანეთში საცხოვრებლად, რათა უფრო ახლოს ყოფილიყო თავის ინგლისელ საიენტოლოგ მეგობრებთან.

ახლობლების თქმით, წლების განმავლობაში ტომი არ კარგავდა იმედს, რომ გოგონა რომ ზრდასრული გახდებოდა, მის რწმენაზე გადავიდოდა, თუმცა ასე არ მოხდა.

"ის არ არსებობს ქეითისა და სურის ცხოვრებაში. მის ქალიშვილს არ სურს მამის იმედი ჰქონდეს რაიმეში. ის გრძნობს, რომ მხოლოდ ერთი მშობელი ჰყავს და ის დედაა“, - ამბობენ ოჯახის მეგობრები.

ახლა სური ცხოვრებაში მნიშვნელოვანი ეტაპია. უცნობია, რა პროფესიას აირჩევს გოგონა. ერთი რამ ცხადია: ის არ გაჰყვება ცნობილი მშობლების კვალს, რადგან არ მოსწონს პოპულარობა, თაყვანისმცემლები და მუდმივი შევიწროება პაპარაცების მხრიდან. გარდა ამისა, არ სურს გამოიყენოს კარიერული წარმატებისთვის ვარსკვლავი მამის სახელი.