"ასე გადაიღო CNN-მა საშინელი კადრები... მაქსმა საწვავი დაისხა და სანთებელა აანთო" - ვინ არის მამაკაცი, რომელმაც ნიუ-იორკში, ტრამპის პროცესის მიმდინარეობისას თავი დაიწვა
ნიუ-იორკში დონალდ ტრამპის სასამართლო პროცესი დაიწყო, რომელსაც ბრალად ედება პორნო ვარსკვლავისთვის 130 000 დოლარის გადახდა, რათა 2016 წლის საპრეზიდენტო არჩევნებამდე მათ ურთიერთობაზე გაჩუმებულიყო. ამ ინფორმაციამ შესაძლოა შელახოს აშშ-ის მაშინდელი საპრეზიდენტო კანდიდატის რეპუტაცია და გავლენა მოახდინოს არჩევნების მიმდინარეობაზე.
ამერიკული მედიასაშუალებები ამ დროს პირდაპირ ეთერში მაუწყებლობენ სასამართლო შენობიდან და მის გარშემო. სწორედ ასე გადაიღო CNN-მა საშინელი კადრები და პირდაპირ ეთერში აჩვენა - მამაკაცი, რომელიც იუსტიციის შენობას მიუახლოვდა და თავი დაიწვა.
<iframe allowfullscreen frameborder="0" width="698" height="573" scrolling="no" id="molvideoplayer" title="MailOnline Embed Player" src="https://www.dailymail.co.uk/embed/video/3171801.html"></iframe>
CNN-ის წამყვანმა ლორა კოტუსმა დაუყოვნებლივ გამოიძახა სასწრაფო დახმარება. მოგვიანებით განაცხადა, რომ ცეცხლის ჩაქრობას ადამიანები ცეცხლმაქრის საშუალებით ცდილობდნენ.
ცნობილია, რომ მამაკაცი შევიდა პარკში, რომელიც მდებარეობს სასამართლოს შენობის მოპირდაპირე მხარეს. გზის გასწვრივ მან მიმოფანტა რამდენიმე ბროშურა, სადაც თვითმხილველების თქმით, ეწერა, რომ „ნიუ-იორკის უნივერსიტეტი მაფიის ფრონტია” ისევე როგორც სხვა ბრალდებები. შემთხვევის ადგილზე მისულმა გამომძიებლებმა ალყა შემოარტყეს ტერიტორიას და შეაგროვეს ყველა საბუთი.
ვინ არის კაცი, რომელმაც თავი დაიწვა?
მაქს აზარელო პარასკევს ღამით გარდაიცვალა, მას შემდეგ, რაც მან თავის დაწვა სცადა მანჰეტენის პარკში, ქუჩის მოპირდაპირე მხარეს, ყოფილი პრეზიდენტის დონალდ ტრამპის სასამართლო პროცესის მიმდინარეობისას.
37 წლის მამაკაცი გარდაიცვალა მძიმე დამწვრობისგან. მან ჰაერში ისროლა ბროშურები, შემდეგ სხეულზე საწვავი დაისხა და შეძრწუნებული მოწმეების წინაშე სანთებელა აანთო.
კაცი ბოლო დღეებში ფლორიდადან ნიუ-იორკში გაემგზავრა. მისმა ოჯახმა არ იცოდა, რას აპროტესტებდა სასამართლოს შენობის წინ.
”ეს უკიდურესი პროტესტის აქტი არის ყურადღების მიქცევის მცდელობა გადაუდებელ და მნიშვნელოვან აღმოჩენაზე: ჩვენ ვართ ტოტალიტარული თაღლითობის მსხვერპლნი და ჩვენი მთავრობა (მათ ბევრ მოკავშირესთან ერთად) აპირებს აპოკალიფსური, ფაშისტური მსოფლიოს გადატრიალებას.” - დაწერა აზარელომ მანიფესტის ნაწილში Substack-ის გვერდზე.
ცეცხლის მოკიდების შემდეგ, სასწრაფო დახმარების მანქანამ ის კრიტიკულ მდგომარეობაში მიიყვანა ახლომდებარე საავადმყოფოს დამწვრობის განყოფილებაში. პოლიციამ განაცხადა, რომ ის დაახლოებით საღამოს 22:30-ზე გარდაიცვალა.
აზარელო ადრე სამჯერ დააკავეს რამდენიმე დღით სანშაინის შტატში, მას ბრალად ედებოდა მშვიდობის დარღვევა და ქონების დაზიანება გასული წლის აგვისტოში.
მესამე დაკავების შემდეგ, ფლორიდელმა პოლიციელებმა აღნიშნეს, რომ ის თვითმკვლელობისკენ იყო მიდრეკილი და მიზეზად უმუშევრობა დაასახელეს.