წამყვანი იტალიური ბრენდი Globo, მისი უპირატესობები და ინტერიერის დიზაინერის რეკომენდაციები აბაზანის მოწყობისას
ნებისმიერი დანიშნულების სივრცეში ერთ-ერთი გამორჩეულად ფუნქციური ზონა სააბაზანო ოთახია, ჩვენი ყოველი დილა ამ სივრცეში იწყება და აქ მიღებული განწყობა მთელი დღის მანძილზე მიგვყვება. ამიტომაც აბაზანა უნდა იყოს მოხერხებული, კომფორტული, ფუნქციური და ესთეტიკურად მიმზიდველი.
სააბაზანო სივრცის ერთ-ერთი ყველაზე მნიშვნელოვანი პროდუქტი - სანიტარული კერამიკაა.
როგორ უნდა შევარჩიოთ ის, ასევე, რა არის მისი მთავარი უპირატესობები და რაზე უნდა გავამახვილოთ ყურადღება, ამას ერთ-ერთი წამყვანი იტალიური ბრენდის Globo-ს მაგალითზე ინტერიერის დიზაინერი ნინო გამცემლიძე გვიამბობს:
„შეიძლება, აბაზანის ინტერიერი მიმზიდველი იყოს, თუმცა არ იყოს მორგებული მაცხოვრებლის ყოველდღიურობაზე, ამიტომ დიზაინის შექმნისას ყველა დეტალი და საჭიროება მაქსიმალურად უნდა იყოს გათვალისწინებული.
ძირითად შემთხვევაში აბაზანა სახლში მოცულობით ყველაზე პატარა სივრცეა, თუმცა ბიუჯეტი მის მოწყობაზე საკმაოდ იხარჯება, რადგან მის მოსაპირკეთებლად და მოსაწყობად ბევრი მასალის გამოყენება გვჭირდება, იქნება ეს ფილები, შემრევები, სანიტარული კერამიკა, ავეჯი თუ აქსესუარები. იმისათვის, რომ აბაზანამ დიდი ხნის განმავლობაში შეინარჩუნოს პირვანდელი ვიზუალი და ხანგრძლივად გვემსახუროს, გადამწყვეტი მნიშვნელობა უნდა მივანიჭოთ მასალების ხარისხს, ბრენდსა და შესაბამისად, მწარმოებელ ქვეყანას. გარდა ამისა, აუცილებელია ეს სივრცე ბინის საერთო კონცეფციაზე იყოს მორგებული“, - განმარტა მან.
აღსანიშნავია, რომ იტალიური სანიტარული კერამიკის, ინოვატორი მწარმოებელი GLOBO-ს თითოეული პროდუქტი გამოირჩევა დიზაინერული შტრიხებით, ხარისხით, ფუნქციურობითა და ფერებით.
მისი უპირატესობები:
- ვერცხლის იონების საფუძველზე, შექმნილი ანტიბაქტერიული დაფარვა, აფერხებს ბაქტერიების გავრცელებას და უზრუნველყოფს მაქსიმალურ ჰიგიენას.
- Rim Free- უნიტაზი სწორი კიდეები, წინაღობების გარეშე, მარტივი მოსავლელია, არ იგროვებს ჭუჭყს
- თავსახური - ნელი დახურვის მექანიზმით, იმისთვის რომ მოხმარება კომფორტული იყოს, პროდუქტი ნაკლებად დაზიანდეს და დიდი ხნის განმავლობაში გვემსახუროს.
- 14 გამორჩეული ფერი, რომელიც შეიქმნა დიზაინერების მიერ. იმისთვის რომ დააკმაყოფილოს ნებისმიერი დიზაინერული ჩანაფიქრი.
Globo-ს ბრენდის ქვეშ ერთიანდება როგორც დასადგამი, ისე დასაკიდი, ჩასაშენებელი, ნახევრად ჩასაშენებელი, ამოსაკრავი და ცალკე მდგომი ხელსაბანები, ასევე დასაკიდი და დასადგამი უნიტაზები.
დასაკიდი უნიტაზის უპირატესობა:
ბოლო პერიოდში მსოფლიო უპირატესობას დასაკიდ უნიტაზებს ანიჭებს, რადგანაც ინტერიერში ის ლამაზია, ამავდროულად სივრცე აღარ იტვირთება ზედმეტი ელემენტებით.
თუ თქვენი სააბაზანო სივრცე არც თუ ისე დიდია, ასეთ შემთხვევაში გირჩევთ არჩევანი დასაკიდ უნიტაზზე შეაჩეროთ, რადგანაც ტრადიციული მოდელებისგან განსხვავებით მისი გარკვეული ნაწილი კედელში ინსტალირდება, შესაბამისად არ იკავებს დიდ ადგილს და სივრცეც უფრო დიდი ჩანს.
გაითვალისწინეთ:
როდესაც დასაკიდი უნიტაზის ინსტალირებას გადაწყვეტთ, წინასწარ განსაზღვრეთ მისი სიმაღლე. პრობლემების თავიდან ასაცილებლად ზომა აღებულ უნდა იქნას მხოლოდ დასრულებული, მოპირკეთებული იატაკიდან.
მითია:
ხშირად მომხმარებელი უარს ამბობს დასაკიდი უნიტაზის შეძენაზე მხოლოდ ერთი გავრცელებული მითის გამო რომ, ის თითქოს წონას ვერ უძლებს. რეალობა კი ის არის, რომ დასაკიდი უნიტაზი გათვლილია 400 კილოზე.
სწორად შეარჩიეთ ფერები:
ინტერიერის დიზაინერი ნინო გამცემლიძე განმარტავს, რომ ფერადი სანიტარული კერამიკა ძალიან ტრენდულია, თუმცა მას შესაბამისი ინტერიერი ჭირდება, კერძოდ ყურადღება უნდა მიექცეს კერამიკული ფილების ფერთა იმ გამას რომელიც გამოყენებულია აბაზანაში.
Globo-სა და სხვა ინტერიერის მოსაპირკეთებელი მასალების შესარჩევად შეგიძლიათ ესტუმროთ შოურუმს - Mosaics.
<iframe width="560" height="315" src="https://www.youtube.com/embed/CGfLwOvIxhs?si=S3TFBFKr9bipGLvr" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>
R