ანდრეი პეჯიჩს პოდიუმზე კონკურენტი გაუჩნდა!

მოდის სამყაროში სულ უფრო მეტი პოპულარობით სარგებლობენ მოდელები ანდროგენული გარეგნობით. ამ სფეროში ერთ-ერთი პირველი იყო ანდრეი პეჯიჩი, რომელიც ისე ჰგავს ქალს, რომ წამყვანმა დიზაინერებმა თავიანთი საუკეთესო კაბები ჩააცვეს და პატარძალივითაც კი შემოსეს.

და აი, ანდრეის ერთმანეთის მიყო­ლებით უჩნდება კონკურენტები - და ყველანი უკრაინიდან!

ცოტა ხნის წინ გამოჩნდა უკრაინელი მანეკენი და მო­მღერალი ბორის აპრელი, რომელიც ცნობილ ბრე­ნდებთან თანამშრომლობს. თუმცა ბორისი ერთადერთი კონკურენტი არ არის - გოგოს გარეგნობის მქონე ბიჭები ბოლო დროს დიდი წარმატებით სარგებლობენ.

მორიგი ფურორი მოახდინა ასევე უკრაინელმა მოდელმა სტავ სტრაშკომ. ეს ახალგაზრდა "ტოიოტას" ახალი მანქანის სარეკლამო რგოლში გამოჩნდა და მაშინვე მიიქცია ყურადღება. ის ძალიან ჰგავს გოგონას და ქალური ფორმებიც აქვს. 20 წლის სტავი ამჟამად ისრაელში ცხოვრობს და მოდურ დეფილეებში მონაწილეობს. თუმცა მანამდე დნეპროპეტროვსკში ცხოვრობდა, იქვე დაიბადა. ორი წლის იყო, როცა დედასთან ერთად ტელ-ავივში აღმოჩნდა. დედამისი სუპერმარკეტში მუშაობდა, მამა კი ნარკომანი იყო და მის აღზრდაში მონაწილეობა არ მიუღია.

სტრაშკო რთული მოზარდი იყო, პანკებთან ამჯობინებდა დროის გატარებას. უცნაური გარეგნობის ბიჭი შემთხვევით აღმოაჩინა ერთ-ერთმა ცნობილმა ებრაელმა ფოტოგრაფმა და გადაღებებზე მიიწვია - ასე დაიწყო სტავის კარიერა.

ამბობენ, რომ დღევანდელი მოთხოვნების გათვალისწინებით, სტავს დიდი მომავალი ელის მოდის ინდუსტრიაში, მით უმეტეს, რომ გოგონებზე ბოლო დროს აზრები გაიყო - ზოგს ძალიან გამხდარი მოდელები სურს, ზოგს - ცოტა პუტკუნა, ასეთ "ანდროგენებთან" კი ნაკლები მოთხოვნა აქვთ, უნივერსალური მოდელი, რომელიც ხან კაცის სამოსს წარმოადგენს და ხან - ქალისას, აშკარა პრივილეგიებით სარგებლობს.

ამასობაში გაზრდილ კონკურენციას გოგონები კვლავ უკიდურესი დიეტებით ებრძვიან და თანამედროვე მოდელების დიდი ნაწილი ანორექსიის ზღვარზეა. ცოტა ხნის წინ ერთ-ერთმა რუსმა მოდელმა აიმაღლა ხმა და მსოფლიოს ამცნო, რომ დღევანდელი მოდელი გოგონები სხვადასხვა საშუალებას იყენებენ გასახდომად - მათ შორისაა ოყნები, ნარკომანია, შიმშილობა...

Daily Mirror

ჟურნალი "რეიტინგი"

(გამოდის ორშაბათობით)