სასულიერო პირების მონაწილეობით სპორტის სასახლიდან სიონის მიმართულებით მსვლელობა მიმდინარეობს
სასულიერო პირების მონაწილეობით სპორტის სასახლიდან სიონის ტაძრის მიმართულებით მსვლელობა მიმდინარეობს.
მსვლელობას წინ მიუძღვის 20-ზე სასულიერო პირი, ასევე, მონაზვნები. მანიფესტაცია მიმდინარეობს საკმევლის კმევითა და წყლის კურთხევით, საეკლესიო ბაირაღებით. გამვლელი ავტომანქანები აქციის მონაწილეებს სიგნალებით მხარდაჭერას უცხადებენ.
მანიფესტაციაში 1000-მდე ადამიანი მონაწილეობს. მათ შორის არიან საპატრიარქოსთან არსებული ახალგაზრდული მოძრაობა "დავითიანნის" წევრები, სასულიერო სემინარიისა და აკადემიის სტუდენტები. მათ შეუერთდა ასევე მოსახლეობაც.
როგორც "ინტერპრესნიუსისთვის" გახდა ცნობილი, სიონში პარაკლისს თავად სრულიად საქართველოს კათოლიკოს-პატრიარქი ილია მეორე გადაიხდის. მსვლელობისას ისმის გალობა და შეძახილები "გაუმარჯოს საქართველოს". აქციის მონაწილეები გმობენ პატიმრებზე ძალადობას და ხელთ აქვთ პლაკატები, წარწერით "არ აწამო!, იწამე ადამიანი!".
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
