თეა წულუკიანის რომელიმე თანამდებობაზე წარდგენის შესახებ საბოლოო გადაწყვეტილება ჯერ მიღებული არ არის

"ქართული ოცნების" ერთ-ერთი ლიდერის, თეა წულუკიანის რომელიმე თანამდებობაზე წარდგენის შესახებ საბოლოო გადაწყვეტილება ჯერ მიღებული არ არის.

როგორც წულუკიანმა ჟურნალისტებს ბიძინა ივანიშვილის ბიზნესცენტრის დატოვების შემდეგ განუცხადა, ჯერჯერობით მის თანამდებობასთან დაკავშირებით შეთანხმება მიღწეული არ არის. მისი ცნობით, ბიძინა ივანიშვილს კიდევ შეხვდება დღეს ან ხვალ, რის შემდეგაც გაირკვევა თუ რა პოსტზე დაინიშნება თეა წულუკიანი.

ჟურნალისტების შეკითხვაზე, კონკრეტულად რა პოსტს სთავაზობენ წულუკიანს, მან აღნიშნა, რომ იქიდან გამომდინარე, რომ "პროფესიით იურისტია, დასკვნები მედიამ უნდა გააკეთოს".

ბიზნესცენტრში მომავალი მთავრობის ფორმირების შესახებ კონსულტაციები გრძელდება, რომელიც ხვალ დასრულდება.

"ინტერპრესნიუსი"