უიტნი ჰიუსტონის დედა ფიქრობს, რომ მისი შვილიშვილი უიტნივით დაასრულებს

მომღერალ უიტნი ჰიუსტონის დედა, სისი ჰიუსტონი ამბობს, რომ, შესაძლოა, მისმა შვილიშვილმა, ბობი კრისტინამ დედის ბედი გაიზიაროს. სისის აზრით, ბობი კრისტინამ ნარკოტიკებისა და მედიკამენტების მოხმარებას მიჰყო ხელი და შესაძლოა, უიტნივით ახალგაზრდა გარდაიცვალოს. სისი სასამართლოსთვის მიმართვას აპირებს, რათა მემკვიდრეობა, რომელიც უიტნიმ ქალიშვილს დაუტოვა, გააკონტროლოს.

ბებია თვლის, რომ ბევრი ფული კრისტინაზე ცუდ ზეგავლენას მოახდენს. ვიდრე კრისტინა ჭკუაზე არ მოვა, 20 მილიონი დოლარის ფუჭად ხარჯვა მისთვის სახიფათოა.

შეგახსენებთ, 48 წლის უიტნი 11 თებერვალს სასტუმრო "ბევერლი ჰილტონის" სააბაზანოში გარდაიცვალა. იგი ნიუ-ჯერსიში, მშობლიურ ქალაქ ნიუარკში დაკრძალეს. ჰიუსტონის ოჯახი ბობი ბრაუნს მომღერლის სიკვდილში ადანაშაულებდა. ჰიუსტონის დედის თქმით, სწორედ ბობიმ დააჩვია ჰიუსტონი სმას.

მომზადებულია tmz.com-ის მიხედვით.