"ცენტრ პოინტისგან" დაზარალებული პირები "დექსუსისგან" განმარტებებს კატეგორიულად ითხოვენ

ხმაურია ამ წუთებში თბილისში, აღმაშენებლის 150-ში, სადაც კომპანია "დექსუსის" ოფისი მდებარეობს.

როგორც "ინტერპრესნიუსის" კორესპონდენტი იუწყება, სამშენებლო კომპანია "ცენტრ პოინტისგან" დაზარალებული პირები "დექსუსის" წარმომადგენელ ირაკლი კილაურიძისგან განმარტებებს ითხოვენ.

მათ, წინააღმდეგობის მიუხედავად, შენობაში შესვლაც მოახერხეს. ამ დროისთვის კი, მათმა ნაწილმა შენობა უკვე დატოვა და ელოდებიან, როდის გამოვა მათთან შესახვედრად ირაკლი კილაურიძე.

"ინტერპრესნიუსი"