რამაზო რომა: "დაბრუნებას არ ვაპირებ, მაგრამ როგორც ქართველი, მომხრე ვარ, საქართველოში წყნარი სიტუაცია იყოს"
სტამბოლში მოღვაწე სკანდალურმა ქართველმა დიზაინერმა რამაზო რომამ გასულ კვირას თურქეთის მოდის კვირეულზე ჩვენება გამართა. კვირეულში ორმოცამდე დიზაინერი მონაწილეობდა, რომელთაც გაზაფხული-ზაფხულის კოლექცია წარმოადგინეს. რამაზო რომა კოლექციაზე ორი თვე მუშაობდა და როგორც დიზაინერი ამბობს, ძვირად ღირებული ქსოვილი - ფრანგული ხავერდი და წული წარმოადგინა. მართალია, ქართველი დიზაინერის ჩვენება მოდის კვირეულის ფარგლებში გაიმართა, მაგრამ რამაზომ კოლექცია სხვა სივრცეში, სასტუმრო "მასკარადში" გამართა, სადაც ორიათასმა კაცმა შეძლო დასწრება.
"ქალი-ვამპირი" - ასე ერქვა კოლექციას, რომელიც თურქეთისა და რუსეთის პოპულარულმა მოდელებმა წარადგინეს. საქართველოდან დიზაინერმა სპეციალურად კრისტი ყიფშიძე მიიწვია. ჩვენება კრისტიმ გახსნა და "მის თურქეთმა" დახურა.
"სექსუალური და "სტილნი" - ასე შეაფასა კოლექცია თურქულმა პრესამ. დიზაინერმა კოლექციის ნახევარი ადგილზე გაყიდა და როგორც გვითხრა, სიამოვნებით ესტუმრება ქართულ მოდის კვირეულს და კიდევ ერთხელ გააოცებს საზოგადოებას.
- რამაზო, საქართველოში მიმდინარე პოლიტიკური ცვლილებების შემდეგ, საზღვარგარეთ მომუშავე ბევრმა ხელოვანმა სამშობლოში დაბრუნება გადაწყვიტა, თქვენც ხომ არ შეუერთდებით მათ?
- მანდ დაბრუნებას არ ვაპირებ, მაგრამ როგორც ქართველი, მომხრე ვარ, საქართველოში წყნარი სიტუაცია იყოს, სადაც შეიძლება, ადამიანმა იცხოვროს და ხელოვანმა თავისი პროფესიით ფინანსურად თავი კარგად იგრძნოს. მჯერა, რომ ალბათ ორ-სამ წელიწადში ასე იქნება და ქვეყნიდან იძულებით წასული ნიჭიერი ქართველები ნელ-ნელა დაბრუნდებიან. საზღვარგარეთ წარმატების მიღწევა ძალიან ძნელია.
(გამოდის ორშაბათობით)
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
