დაჩი ცაგურია - რუსთავის N16-ე დაწესებულებიდან სხვა ციხეში არც ერთი პატიმარი არ გადაუყვანიათ

რუსთავის N16-ე სასჯელაღსრულების დაწესებულებიდან სხვა ციხეში არც ერთი პატიმარი არ გადაუყვანიათ, - ამის შესახებ უფლებადამცველმა დაჩი ცაგურიამ რამდენიმე წუთის წინ, N16-ე დაწესებულებიდან გამოსვლის შემდეგ განაცხადა.

მისი ინფორმაციით, ამ დროისთვის ციხეში ვითარება სტაბილურია, სიმშვიდეა და არანაირ ბუნტს პატიმრების მხრიდან ადგილი არ აქვს. ცაგურიას განცხადებით, ციხეში გარკვეული სახის პრობლემები არის, მათ შორის არასათანადო მკურნალობა, რაც ამ ეტაპზე ყველაზე დიდი პრობლემაა.

პატიმართა ოჯახის წევრები და ახლობლები ამ დრომდე N16-ე დაწესებულებასთან რჩებიან და დაშლას არ აპირებენ.

"ინტერპრესნიუსი"