აშშ-ის საპრეზიდენტო არჩევნებში ბარაკ ობამა იმარჯვებს

ამერიკის შეერთებული შტატების საპრეზიდენტო არჩევნებში მოქმედი პრეზიდენტი, "დემოკრატიული პარტიის" კანდიდატი ბარაკ ობამა იმარჯვებს.

წინასწარი მონაცემებით, ბარაკ ობამამ ამომრჩეველთა კოლეეგიის 275 წევრის მხარდაჭერა მოიპოვა, რამაც მისი აშშ-ის პრეზიდენტად მეორედ არჩევა უზრუნველყო. ამერიკაში ამ დროისთვის საარჩევნო უბნები დახურულია, მაგრამ ოფიციალური შედეგები ჯერ არ გამოცხადებულა.

უცხოური მედიის ცნობით, ამომრჩეველთა ხმათა რაოდენობით მით რომნი ხმათა მინიმალური რაოდენობით უსწრებს ბარაკ ობამას, თუმცა, აშშ-ის არჩევნებში გადამწყვეტი მნიშვნელობა ამომრჩეველთა კოლეგიაში ძალთა თანაფარდობას ენიჭება.

ობამამ ამომრჩეველთა კოლეგიის წევრთა 275 მიიღო, ხოლო მით რომნიმ - 203.

ობამამ გაიმარჯვა საკვანძი შტატებში - ოჰაიოში, ფლორიდაში, ვირჯინიაში, აიოვასა და ორეგონში და მასაჩუსეტის შტატში.

საკანონმდებლო ორგანოში ძალთა თანაფარდობა არ შეიცვლება. "დემოკრატიული პარტია" სენატში უმრავლესობას ინარჩუნებს. წარმომადგენლობით პალატაზე კონტროლს "რესპუბლიკელები" შეინარჩუნებენ.

"ინტერპრესნიუსი"