ვადაზე ადრე გათავისუფლებული და შეწყალებული პატიმრები საპატიმროებს ტოვებენ

სასჯელაღსრულების დაწესებულებებს წუხელ, მთელი ღამის განმავლობაში ვადაზე ადრე გათავისუფლების კომისიის შედეგად გათავისუფლებული და პრეზიდენტის მიერ შეწყალებული პატიმრები ტოვებდნენ, - ამის შესახებ "ინტერპრესნიუსს" სასჯელაღსრულების, პრობაციისა და იურიდიული დახმარების სამინისტროში განუცხადეს.

სამინისტროს ინფორმაციით, დილამდე ყველა შეწყალებული თუ გათავისუფლებული პატიმარი საკუთარ ოჯახს დაუბრუნდება.

როგორც ცნობილია, ე.წ უდო-ს კომისიის გადაწყვეტილებით, 115 პატიმარი გათავისუფლდა, ხოლო პრეზიდენტმა გიორგობასთან დაკავშირებით 519 პატიმარი შეიწყალა.

"ინტერპრესნიუსი"