ბუკმეკერებმა პრინცი უილიამის მომავალი ბავშვის სახელზე ფსონების დადება დაიწყეს

საბუკმეკერო ოფისებში დიდი ბრიტანეთის მომავალი მემკვიდრის სახელზე ფსონების მიღება დაიწყეს. გუშინ სამეფო ოჯახმა დაადასტურა, რომ ბავშვს ელოდებიან. საბუკმეკერო ოფისში William Hill-ში ყველაზე დიდი პოპულარობით გოგონას სახელი - ფრენსისი და ბიჭის სახელი - ჯონი სარგებლობს. სახელებზე - ფრენსისი და ჯონი - ფსონები 9/1-ზე მიიღება. მათ მოსდევთ ჩარლზი, ვიქტორია, ჯორჯი, ანა, დიანა, ფილიპი, რიჩარდი, სპენსერი, მერი, ჰენრი და ა.შ. William Hill -ში ფსონები სახელზე - ელისაბედი 25/1-ზე მიიღება. ამასთან, Ladbrokes-ში ელისაბედი ფსონების რბოლის ლიდერია (8/1-ზე).

ფულის გაკეთება უილიამის და ქეითის ბავშვის თმის ფერის სწორად გამოცნობითაც შესაძლებელია. ამჟამად, ყავისფერი ლიდერობს. ასევე შესაძლებელია დადება ქერაზე, შავსა და წითურზე.

კემბრიჯის ჰერცოგინია კეიტის ორსულობის შესახებ ბუკინგემის სასახლემ ოფიციალურად 3 დეკემბერს გამოაცხადა. ცნობილია, რომ კეიტის 12 კვირის ორსულია. ბავშვი წყვილის პირველი შვილია. ქეითი და უილიამი 2011 წლის აპრილში დაქორწინდნენ.

მომზადებულია OK!-ის მიხედვით.