რომან აბრამოვიჩი მამა მეშვიდედ გახდება

მილიარდერი რომან აბრამოვიჩი მამა მეშვიდედ გახდება. მისი საყვარელი, დაშა ჟუკოვა ორსულადაა. ეს წყვილისთვის უკვე მეორე შვილია, თუმცა რომანს წინა ქორწინებიდან კიდევ 5 შვილი ჰყავს.

ინფორმაცია დაშას ფოტოებმა დაადასტურა, სადაც აბრამოვიჩის 31 წლის საყვარელს მუცელი ეტყობა. პაპარაცებმა წყვილი სეირნობისას დააფიქსირეს. დაშა ჟუკოვა სავარაუდოდ ორსულობის მეოთხე თვეშია.

რომან აბრამოვიჩი, მისი ორსული საყვარელი და მათი 3 წლის შვილი აარონი ზამთრის ცივ დღეებს კარიბის ზღვის კუნძულებზე ატარებენ.

ორჯერ განქორწინებულ მაგნატს პირველი მეუღლისგან 3 ქალიშვილი და 2 ვაჟი ჰყავს. წყვილი 16 წლიანი ქორწინების შემდეგ 2007 წელს გაიყარა.

დასავლურმა პრესამ აბრამოვიჩის საახალწლო გეგმებიც შეიტყო. მილიარდერი საახალწლოდ გრანდიოზულ წვეულებას აწყობს, რომელიც 8 მლნ დოლარი უჯდება. აბრამოვიჩის საახალწლო წვეულებაზე 400 სტუმარია მიპატიჟებული.

მომზადებულია The Sun-ის მიხედვით.