მინდია გულუას თბილისის აეროპორტში პრობლემები შეექმნა
რუსეთში მცხოვრები ქართველი ბიზნესმენი, პარტია "განახლებული საქართველოსთვის" მრჩეველი საერთაშორისო საკითხებში მინდია გულუა საქართველოში უკვე ჩამოფრინდა , თუმცა აეროპორტის დატოვებას ამ დრომდე ვერ ახერხებს.
როგორც "ინტერპრესნიუსის" კორესპონდენტი იუწყება, არსებული ცნობით, გულუას პრობლემები საპასპორტო კონტროლის გავლისას შეექმნა.
"როგორც მე მითხრეს, კომპიუტერი გაფუჭდა, თუმცა, რამდენიმე წლის წინაც იგივე მითხრეს და ამის გამო საქართველოში შემოსვლა ვერ მოვახერხე. არ ვიცი, რას უკავშირდება ეს და არც ის ვიცი, ამჯერად მაინც მომცემენ თუ არა საქართველოში შემოსვლის უფლებას", - განუცხადა გულუამ ჟურნალისტებს.
თვითმფრინავი, რომლითაც რუსეთში მცხოვრები ბიზნესმენი საქართველოში ჩამოფრინდა, თბილისის საერთაშორისო აეროპორტში 16:05 საათზე დაეშვა. გულიას აეროპორტში და ნანა გულუა, პარტიის წევრები და ახლობლები დახვდნენ.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
