აჭარის მთავრობის აპარატის შესყიდვების ნუსხაში ამოიკითხავთ ყავას, ჩაის, თამბაქოს, სასმელებს და ა.შ. მთავრობაში ამბობენ, რომ ეს პროდუქტები სასაჩუქრე პაკეტებისათვის იყიდეს. რა იყიდეს და რის ყიდვას აპირებენ მთავრობაში, ოფიციალურ დოკუმენტებშია გაწერილი.
1 ნოემბრის შემდეგ, ანუ როცა უმაღლესმა საბჭომ მთავრობის ახალი თავმჯდომარის უფლებამოსილება ცნო, პირველი შესყიდვაც გამოჩნდა. რაოდენ სასაცილოც არ უნდა იყოს, პირველად ახალმა მთავრობამ "ახალ ნათებაში" 500 ცალი ნათურა შეიძინა. გასაკვირი არც არის, წინა მთავრობისაგან მემკვიდრეობით დატოვებულ კომფორტს, მხოლოდ კარგი განათება და დანახვა სჭირდება.