გიგი უგულავა - "გამოძიების ვერსიით, ჯოზეფ ქეი "იმედის" კანონიერი მესაკუთრე გამოდის"
გამოძიების ვერსიით, ბრალის დადასტურების შემთხვევაში ჯოზეფ ქეი "იმედის" კანონიერი მესაკუთრე გამოდის, - ამის შესახებ თბილისის მერმა გიგი უგულავამ დღევანდელი სასამართლო პროცესის დასრულების შემდეგ განაცხადა.
როგორც დედაქალაქის მერმა აღნიშნა, ამ თემასთან დაკავშირებით ბევრი ინფორმაცია გამოჩნდება, ბევრ ფაქტს შეიტყობს საზოგადოება და ასევე შეიტყობს იმას, თუ რა მახინჯი მეთოდებით ცდილობს გამოძიება ერთმანეთთან აბსოლუტურად დაუკავშირებელი საკითხები დააკავშიროს.
"მაქვს განცდა, რომ "იმედთან" დაკავშირებით ღრუბლები "იმედის" თავზე გროვდება. იმიტომ, რომ გამოძიების ვერსიით ბრალის დადასტურების შემთხვევაში ჯოზეფ ქეი "იმედის" კანონიერი მესაკუთრე გამოდის", - აღნიშნა უგულავამ.
მისი თქმით, იგი დაინტერესებულია სიმართლის დადგენაში. "გამოჩნდება, ვინ არის დამნაშავე, ვინ მანიპულირებს და ვის პოლიტიკური ზრახვები აქვს", - განაცხადა თბილისის მერმა.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
