ფლორიდის სანაპიროსთან ათასობით ზვიგენი გამოჩნდა

ფლორიდის სანაპიროსთან ათასობით ზვიგენი გამოჩნდა. ადგილობრივმა ხელისუფლებამ უსაფრთხოების ზომები გაამკაცრა და სანაპირო დახურა.

მსოფლიოში ერთ-ერთი ყველაზე პრესტიჟული სანაპირო შემოსაზღვრულია, წყალი ზვიგენებითაა სავსე. ნაპირზე მაშველები პატრულირებენ. სანაპიროზე უამრავი ბანერი შეგხვდებათ, სადაც მითითებულია, რომ ადამიანებისთვის ნებადართულ საცურაო ზოლში ზვიგენებია შემოსული.

მიუხედავად გაფრთხილებისა, სანაპიროზე მაინც შეხვდებით ცნობისმოყვარე ტურისტებსა და ადგილობრივებს. ისინი წყლიდან შორ მანძილზე დგანან და ნაპირთან ახლოს მოცურავე ზვიგენებს ფოტოსურათებს უღებენ. ექსპერტები მოსახლეობას სიფრთხილისკენ მოუწოდებენ.

მომზადებულია palmbeachdailynews.com-ის მიხედვით.