კაცს ტირილის დროს თვალიდან მელანი სდის

ბრაზილიის ქალაქ სან-პაულუში მცხოვრები 39 წლის სვირინგის მხატვარი ფერნანდო დოს სანტოსი სახიფათო ექსპერიმენტებზე უარს ვერ ამბობს.

ფერნანდოს არასდროს მოსწონდა საკუთარი თვალის ფერი და არც ლინზები ხიბლავდა. მან თვალის კაკალი სვირინგით მოიხატა, რათა ფერი გამუქებულიყო. ფერნანდოს სხეულის 70 პროცენტი სვირინგებითაა მოხატული.

"რამდენიმე დღე ტირილის დროს თვალიდან ცრემლის ნაცვლად, მელანი მდიოდა", - იხსენებს მხატვარი.

ოფთალმოლოგები პროცედურის წინააღმდეგ გამოდიან და ყველას აფრთხილებენ, რომ მსგავსი გართობა ფატალურად სრულდება. "ამ პროცედურის შემდეგ დიდი შანსია, მხედველობა დაკარგოთ", - აცხადებენ ექიმები.

იხილეთ ვიდეო

მომზადებულია ninemsn.com-ის მიხედვით.