ინდოეთში ეშმაკის ბორბალს ხელით ატრიალებენ

ინდოეთის დედაქალაქ დელიში გასართობ ატრაქციონს, ეშმაკის ბორბალს დაქირავებული მუშები ხელით ატრიალებენ.

ქვეყანაში ელექტროენერგია ხშირად ითიშება, გენერატორები ძვირი ღირს, მაგრამ ასეთ პირობებშიც კი ეშმაკის ბორბალს კლიენტები არ აკლია. ატრაქციონის მფლობელი რამდენიმე მამაკაცს ქირაობს, რომლებიც ეშმაკის ბორბალზე ადიან, რკინაზე ჩერდებიან და კაბინებს ხელით ატრიალებენ. სისწრაფის ასაჩქარებლად, რამდენიმე მუშა კაბინებს ეკიდება და მიწისკენ მიაქანებს.

ეს ეშმაკის ბორბალი უბრალო ლითონის კონსტრუქციისგან შედგება, რომელსაც რამდენიმე ღია კაბინა აქვს. რასაკვირველია, არც კლიენტებისა და არც მუშების უსაფრთხოება დაცული არაა.

მომზადებულია odditycentral.com-ის მიხედვით.