სამებაში გარდამოხსნის წესი შესრულდა

ყოვლადწმინდა სამების ტაძარში გარდამოხსნის წესი შესრულდა. გარდამოხსნა ყოვლადწმინდა სამების ტაძრის შუაგულში სპეციალურ სადგამზეა დაბრძანებული. გარდამოხსნა საკურთხევლიდან სრულიად საქართველოს კათოლიკოს-პატრიარქმა სასულიერო პირებთან ერთად გამოაბრძანა. წესის შესრულების შემდეგ უწმინდესმა მრევლს მცირე ქადაგებით მიმართა.

"როცა ემთხვევით გარდამოხსნას, შესთხოვეთ უფალს თავმდაბლობა, მოთმინება და საქართველოს კეთილდღეობა", - აღნიშნა უწმინდესმა. პატრიარქმა უსურვა მრევლს, ბედნიერი აღდგომა გაუთენდეთ.

გარდამოხსნის წესის შესრულების შემდეგ უწმინდესმა სამების ლავრის ხარების სახელობის ტაძარში ვახტანგ VI-სა და თეიმურაზ II-ის საძვალეთა სარკოფაგები აკურთხა.

"ინტერპრესნიუსი"