ჟაკლინ კენედის ჯენიფერ გუდვინი განასახიერებს

მალე ეკრანებზე გამოვა დრამა "კენედის მკვლელობა". ფილმში XX საუკუნის აშშ-ის პირველ ლედის, ჟაკლინ კენედის მსახიობი ჯენიფერ გუდვინი განასახიერებს.

აშშ-ის რიგით 35-ე პრეზიდენტის, ჯონ კენედის როლს მსახიობი რობ ლოუ შეასრულებს. სურათის სიუჟეტი ბინ ო’რელის და მარტინ დუგრადის ამავე სახელწოდების წიგნის მიხედვით არის შექმნილი.

ფილმში ლი ჰარვი ოსვალდის, ჯონ კენედის მკვლელობაში ერთადერთი ეჭვმიტანილის ქვრივის, მარინა ოსვალდ პორტერის პერსონაჟიც გამოჩნდება, რომელსაც მიშელ ტრაჰტენბერგი განასახიერებს.

მომზადებულია spletnik.ru-ს მიხედვით.