ლარი კინგი Russia Today-ზე გადაცემას წაიყვანს
ცნობილი ამერიკელი ტელეჟურნალისტი ლარი კინგი რუსულ ტელეარხ Russia Today-ზე გადაცემას წაიყვანს. ამის შესახებ არხის მთავარმა რედაქტორმა მარგარიტა სიმონიანმა განაცხადა.
"მეგობრებო, ჩვენ ახალი წამყვანი გვყავს. ოღონდ გულის წასვლების გარეშე, გთხოვთ. ჩვენთან ლარი კინგი მუშაობს", - დაწერა მიკრობლოგ "ტვიტერზე" სიმონიანმა.
პროგრამა Larry King Now-ი, რომელიც გასული წლის ივლისიდან ხელმისაწვდომი იყო ვიდეოჰოსტინგ Hulu-ზე, RT America-ზე გავა. ამასთან, გადაცემების ვიდეოჩანაწერები RT-ს საიტზე განთავსდება.
"მე უპირატესობას ვანიჭებ იმ ადამიანებისთვის კითხვების დასმას, რომლებიც ხელისუფლებაში არიან და არა მათი შეხედულებების დაცვას და სწორედ ამიტომ, უყურეთ ჩემს ახალ გადაცემას Larry King Now აქ, RT-ზე", - განაცხადა ამერიკელმა ტელეწამყვანმა გადაცემის ანონსში.
ლარი კინგმა სახელი გაითქვა გადაცემა Larry King Live-ით, რომელიც ტელეარხ CNN-ზე 1985-2010 წლებში გადიოდა.
მომზადებულია bbc.co.uk-ის მიხედვით.
"იბერიას" ჟურნალისტები განცხადებას ავრცელებენ
უჩა მამაცაშვილი "იბერიასა" და "ომეგა ჯგუფის" ირგვლივ მიმდინარე პროცესებზე პროკურატურას მიმართავს
