ხორვატია ევროკავშირის წევრი გახდა

ხორვატია ევროკავშირის წევრი ქვეყანა გახდა. უცხოური მედიის ინფორმაციით, ამით ევროკავშირის წევრი ქვეყნების რიცხვი 28-მდე გაიზარდა.

ევროკავშირში მიღებასთან დაკავშირებით ხორვატიაში სადღესასწაულო ღონისძიებები მიმდინარეობს.

შეკრებილ მოსახლეობას ქვეყნის პრეზიდენტმა, ივო იოსიპოვიჩმა და ევროკომისიის თავმჯდომარემ, ჟოზე მანუელ ბაროზომ მიმართეს.

აღსანიშნავია, რომ მიუხედავად ევროკავშირის წვერობისა, ხორვატია ჯერჯერობით არ აპირებს გადავიდეს ევროზე და გახდეს შენგენის ზონის წევრი.

ხორვატიამ ევროკავშირის წვერობაზე განაცხადი 10 წლის წინ შეიტანა. ამ დროისთვის ქვეყნის ეკონომიკა მძიმე პერიოდს განიცდის და ქვეყანში ყოველი მეხუთე უმუშევარია.

ამ ვითარებაში ხორვატების ნაწილი შიშობს, რომ ევროკავშირთან მიერთება, რომელიც თავად არ იმყოფება საუკეთესო ფინანსურ მდგომარეობაში, ქვეყნის ეკონომიკას ვერ დაეხმარება.

მომზადებულია bbc.co.uk-ის მიხედვით.

იხილეთ ვიდეო