ოლეგ იაძე: "ბანდა დადის კარდაკარ დეპუტატებთან და ფიზიკური შეურაცხყოფით აშანტაჟებს"
კასპის საკრებულოს რიგგარეშე სხდომა, სადაც თავმჯდომარის დავით მესროფაშვილის გადადგომის შესახებ განცხადება უნდა განხილულიყო, მეორედ ჩაიშალა. სხდომის ჩაშლის მიზეზებზე მხარეებმა ვარაუდები უკვე გამოთქვეს, თუმცა რეალურად ვის აწყობდა ეს, ჯერჯერობით უცნობია. ფრაქცია "ქართული ოცნება - რესპუბლიკელების" ხელმძღვანელის, ხათუნა თათანაშვილის თქმით, ახალი თავმჯდომარის არჩევა და სხდომის ჩაშლა გამგებლის, ოლეგ იაძის წისქვილზე ასხამს წყალს. იაძე კი აცხადებს, რომ საკრებულოს რიგგარეშე სხდომების ჩაშლა იმ ბანდის წევრების ინტერესებში შედის, რომელიც მას დიდი ხანია ეწინააღმდეგებაა.
"პირიქით, ეგ ბანდა დადის კარდაკარ დეპუტატებთან, ხან ფიზიკური შეურაცხყოფით, ხან სატელეფონო მუქარით ხან კიდევ სიტყვიერად აშანტაჟებენ და ზეწოლას ახდენენ. ესენი არიან: გიორგი ბესტავაშვილი, ვიღაც წიქარას ბიჭი და ნარკომანი კისა", - აცხადებს ოლეგ იაძე.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
