კრილ ხიმიჩევი - LIVE Concerts არ არის ზემფირას კონცერტების ორგანიზატორი და არ იღებს ფინანსურ ვალდებულებას
კომპანია LIVE Concerts-ის ერთ-ერთი მმართველი კრილ ხიმიჩევი, საქართველოში ზემფირას კონცერტების გაუქმებასთან დაკავშირებით, ოფიციალურ განცხადებას ავრცელებს. ეს ის კომპანიაა, რომელიც გავრცლებული ინფორმაციით, ზემფირას კონცერტს უწევდა ორგანიზებას. "ამბები.გე" კრილ ხიმიჩევის განცხადებას უცვლელად გთავაზობთ:
"საქართველოში ზემფირას კონცერტების ორგანიზებასთან დაკავშირებით გუშინ გავრცელებული ცრუ ინფორმაციის პასუხად, გაუწყებთ, რომ კომპანია LIVE Concerts არ არის ამ კონცერტების ორგანიზატორი და არ იღებს ფინანსურ ვალდებულებას არც შემსრულებლების და არც ბილეთების მყიდველების წინაშე. ამიტომ, კომპანიის მისამართით ნებისმიერი ოფიციალური ბრალდება უსაფუძვლოა და სასამართლო გარჩევის საგანია.
ბილეთების დაბრუნებასთან დაკავშირებით უშუალოდ იმ კომპანიას უნდა მიმართოთ, რომელიც საქართველოში ზემფირას კონცერტებს უწევდა ორგანიზებას", - ნათქვამია ხიმიჩევის განცხადებაში.
როგორც კონცერტის ორგანიზატორი (ქართული მხარე), კომპანია MS events-ის წარმომადგენელი მაკო საბანაძე აცხადებდა, კონცერტის ორგანიზებით მთლიანად ლატვიური მხარე, კონკრეტულად კი კომპანია Live Concerts იყო დაკავებული.
ზემფირას კონცერტი, რომელიც საქართველოში 22-24 ივლისს უნდა გამართულიყო, ჩაიშალა. ამის შესახებ განცხადება მომღერლის ოფიციალურ საიტზე გუშინ განთავსდა.
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
