ხურგადაში მყოფი ქართველები ქალაქის დატოვებას არ აპირებენ

ეგვიპტის საკურორტო ქალაქ ხურგადაში მყოფი ქართველი ტურისტები ქალაქის დატოვებას არ აპირებენ. როგორც "ინტერპრესნიუსს" ხურგადაში დასასვენებლად მყოფმა რამდენიმე ქართველმა სატელეფონო საუბრისას განუცხადეს, საკურორტო ქალაქში სიმშვიდეა და საფრთხე არავის ემუქრება.

"გუშინ ტელევიზიით მოვისმინეთ ინფორმაცია, რომ არ დაგვეტოვებინა სასტუმროების ტერიტორია. მომსახურე პერსონალსაც ვკითხეთ, საშიში ხომ არ იყო ქალაქში გასვლა. გვითხრეს, რომ საშიში არაფერია და ჩვენც ვათვალიერებთ ხურგადას. მაღაზიებშიც დავდივართ და გემზეც ვიყავით. ჩვენ აქ ვერ ვგრძნობთ თუ რამე საშიშროება გვემუქრება. გუშინაც შემოგვიერთდნენ თბილისიდან ჩამოსული ტურისტები", - აცხადებენ საქართველოდან ეგვიპტეში დასასვენებლად ჩასული ტურისტები.

"ინტერპრესნიუსი"