ქუთაისში "ბარაკებში" მცხოვრებ ოჯახებს სოციალური დახმარება მოუხსნეს

ქუთაისში, სადგურის #5 -ში, ე. წ "ბარაკებში" მცხოვრები სოციალურად დაუცველი 10 ოჯახი საცხოვრებლის ჩამონგრევის საშიშროების წინაშე დგას. ამორტიზებულ საცხოვრებელში მყოფ ოჯახებს სოციალური დახმარებებიც მოუხსნეს, თუმცა მიზეზი მათთვის ამ დრომდე არავის აუხსნია.

"რამდენჯერმე დავწერეთ მერიაში განცხადება, რომ ყურადღება მოექციათ ჩვენთვის, თუმცა თავი არავის შეუწუხებია. ჩვენ კი მცირეწლოვან ბავშვებთან ერთად, ყოველდღე ველოდებით, როდის ჩამოგვექცევა ჭერი თავზე. ყველა უმუშევარი ან პენსიონერია და რის საფუძველზე მოგვიხსნეს სოციალური შემწეობა, აგვიხსნან მაინც", - აცხადებენ ადგილობრივები.

იხილეთ ვრცლად

”ახალი გაზეთი”