ბრიტანეთი სირიაზე ავიაიერიშებს კვიპროსიდან განახორციელებს

კუნძულ კვიპროსზე არსებულ ბრიტანულ ავიაბაზა აკროტირზე გაზრდილი აქტივობა შეინიშნება. სამეფო სამხედრო-საჰაერო ძალების სატრანსპორტო თვითმფრინავებს კუნძულზე ტვირთი და სამხედრო აღჭურვილობა გადმოაქვთ. არსებობს მოსაზრება, რომ სირიის წინააღმდეგ სამხედრო ოპერაციის წამოწყების შემთხვევაში, აკროტირის ავიაბაზა ოპერაციაში მონაწილე ქვეყნების მთავარ საკვანძო პუნქტად იქცევა.

აკროტირი უკვე გამოიყენებოდა ლიბიის წინააღმდეგ სამხედრო კამპანიისას. სირიის წინააღმდეგ საბრძოლო მოქმედებების წამოწყების შესაძლებლობას დიდი ბრიტანეთის საგარეო საქმეთა მინისტრი სავსებით რეალურს უწოდებს. რადიო "ბი-ბი-სი"-სთვის მიცემულ ინტერვიუში მინისტრი უილიამ ჰეიგი ამბობს, რომ ოპერაციის დაწყებას წინ რამდენიმე ფაქტორი უდგას. თუმცა ამავდროულად მან მკაფიოდ აღნიშნა, რომ XXI საუკუნეში ქიმიური იარაღის გამოყენება დაუსჯელად არ უნდა დარჩეს. მინისტრის შეფასებით, ამავე აზრს იზიარებენ აშშ-ის და საფრანგეთის მთავრობებიც.

ჰეიგის აზრით, სირიაში მიმდინარე სამოქალაქო ომის მშვიდობიანი გზით გადაჭრის მცდელობები ამოწურულია და საკითხის გადაჭრის ერთადერთი ვარიანტი სამხედრო ოპერაციაა.

მოამზადა ნუკრი მგელაძემ warfiles.ru-ს მიხედვით.