აჩიკო ნიჟარაძე ესტონეთში ახალი ნახტომისთვის ემზადება...

მას მერე, რაც მომღერალმა აჩიკო ნიჟარაძემ ბელორუსში, ქალაქ ვიტებსკში გამართულ ტრადიციულ კონკურსზე "სლავიანსკი ბაზარი" II ადგილი დაიკავა, იქვე უცხოელი პროდუსერებისგან არაერთ საერთაშორისო ფესტივალზე შემოთავაზებაsalesland.ge - ფასდაკლებების სამყარო! მიიღო. ერთ-ერთი ესტონეთის ფესტივალია, რომელიც ტალინში გაიმართება.

მომღერალი 4 სექტემბერს, თავის პროდუსერთან (მანანა სეფიაშვილი) ერთად, ტალინში მიემგზავრება. "ამბები.გე" აჩიკო ნიჟარაძეს დაუკავშირდა:

- ესტონეთში 4 სექტემბერს მივფრინავ. ფესტივალი 6-7 სეტემბერს გაიმართება, რომელშიც 16 ქვეყანა მონაწილეობს, მათგან ერთ-ერთი - საქართველოა, რომელსაც მე წარმოვადგენ. ვიმღერებ სამ სიმღერას: ქართულს, ფრანგულსა და ინგლისურს. ქართული - ზურაბ მჟავიას "ქართველების ერთად ყოფნა დამილოცე, ღმერთო" გახლავთ, მეორე - შარლ აზნავურის სიმღერა, მესამე - ფრენკ სინატრას - "ნიუ-იორკი". I-II ტური 6 სექტემბერს გაიმართება, ფინალი კი 7-შია. მინდა გავიმარჯვო, თუმცა წინასწარ არაფერი ვიცი.

- წელს საერთაშორისო ფესტივალებში აქტიურად მონაწილეობ...

- კი, ასეა, რაც ძალიან მომწონს, - გამოცდილებას ვიძენ. ალბათ, ამას არ დავჯერდები და კიდევ მივიღებ ერთ-ერთ ფესტივალში მონაწილეობას, რადგანაც სამომავლოდ ისეთი ნახტომისთვის ვემზადები, რომელზე ლაპარაკი წინასწარ არ მინდა, მაგრამ ფაქტია, რომ ბევრ საერთაშორისო ფესტივალში მონაწილეობა ჩემთვის მნიშვნელოვანია.

ლალი ფაცია