თელავში სტალინის ძეგლი გაიხსნა

საერთაშორისო ორგანიზაცია "სტალინელისა" და ვეტერანთა კავშირის ორგანიზებით, თელავში დღეს, მეორე მსოფლიო ომის მემორიალთან, სტალინის ძეგლი გაიხსნა.

მონუმენტი ვეტერანებმა საზეიმო ვითარებაში გახსნეს და გვირგვინებით შეამკეს. იოსებ ჯუღაშვილის ძეგლის გახსნაზე ვეტერანებმა ბელადზე ლექსები წაიკითხეს და მასზე, "როგორც XX საუკუნის უდიდეს პიროვნებაზე" კიდევ ერთხელ ისაუბრეს.

მონუმენტი შემოწირულობებით გაკეთდა.

"ინტერპრესნიუსი"