ბარ რაფაელი X Factor-ს წაიყვანს

ებრაელი ტოპ-მოდელი და ჰოლივუდის მსახიობის, ლეონარდო დიკაპრიოს ყოფილი საყვარელი ბარ რაფაელი ყველაზე რეიტინგული მუსიკალური კონკურსის X Factor-ის წამყვანი ხდება.

კონკურსი ისრაელში იწყება და ის ბრიტანული X Factor-ის ებრაული ვარიანტია. პროდუსერებმა უკვე დაამზადეს სარეკლამო კლიპი, სადაც ტოპ-მოდელთან ერთად პროექტის ხელმძღვანელი და პროდიუსერი საიმონ კოუელიც მონაწილეობს. ისრაელში კონკურსი რამდენიმე კვირაში დაიწყება, როდესაც ქვეყნის მასშტაბით ზაფხულის არდადეგები ოფიციალურად დასრულდება.

ჯერჯერობით უცნობია, რა თანხას დათანხმდა რაფაელი, რომელსაც სხვადასხვა შოუს ტელეწამყვანობაში 270 000 დოლარს უხდიან.

მომზადებულია justjared.com-ის მიხედვით.

იხილეთ ვიდეო