თბილისის საერთაშორისო აეროპორტში განხორციელებული ევაკუაციის გამო რამდენიმე ავიარეისი გადაიდო

თბილისის საერთაშორისო აეროპორტში განხორციელებული ევაკუაციის გამო რამდენიმე ავიარეისი გადაიდო, - ამის შესახებ "ინტერპრესნიუსის" კორესპონდენტი შემთხვევის ადგილიდან იუწყება.

გამნაღმველებმა შენობაში მუშაობა რამდენიმე წუთის წინ დაასრულეს. მათი ინფორმაციით, შენობაში არანაირი ასაფეთქებელი ნივთიერება არ აღმოჩენილა. მათივე ცნობით, დაახლოებით საათნახევრის განმავლობაში თბილისის საერთაშორისო აეროპორტი სრულად ევაკუირებული იყო. გადაიდო რამდენიმე ავიარეისი, ხოლო თბილისის აეროპორტში ჩამოფრენილი თვითმფრინავებიდან მგზავრების გადმოსხდომა შეყოვნდა.

ამ წუთებში აეროპორტის ტერიტორიაზე და შენობაში მგზავრების შეშვება მიმდინარეობს. როდის განხორციელდება გადადებული ავიარეისები, ჯერჯერობით დაზუსტებული არ არის.

"ინტერპრესნიუსი"