დიდ ჯიხაიშში მომხდარ ფაქტზე გამოძიება თვითმკვლელობამდე მიყვანის მუხლით დაიწყო

სამტრედიის რაიონის სოფელ დიდი ჯიხაიშის პოლიციის თანამშრომელი გარდაცვლილი იპოვეს. აკაკი ჩიკვაიძეს სასიკვდილო ჭრილობა ტაბელური იარაღით აქვს მიყენებული.

შემთხვევა პოლიციის შენობის გვერდით მდებარე მოსასვენებელ ოთახში მოხდა. გარდაცვლილის ცხედარი გვიან ღამით სამხარაულის სახელობის ექსპერტიზის ეროვნულ ბიუროში გადაასვენეს.

აკაკი ჩიკვაიძე სამტრედიის რაიონის პროკურორის, ამირან ჩიკვაიძის ძმაა. არსებული ინფორმაციით, გამოძიება თვითმკვლელობამდე მიყვანის მუხლით მიმდინარეობს.

"ინტერპრესნიუსი"