ავტოფარეხში მცხოვრები ნაზი ჯავახიშვილი დახმარებას ითხოვს
თბილისის ზღვაზე მდებარე ხეხილსანერგე მეურნეობის გაუქმებულ ავტოფარეხში მცხოვრები, სოციალურად დაუცველი ნაზი ჯავახიშვილი ხელისუფლებისგან დახმარებას ითხოვს.
როგორც "ინტერპრესნიუსს" სოციალურად დაუცველმა პენსიონერმა ნაზი ჯავახიშვილმა აცნობა, ის უკიდურესად მძიმე სოციალურ მდგომარეობაში იმყოფება, რადგან მისი შემოსავალი პენსია და სოციალურად დაუცველთა შემწეობაა. მისი თქმით, ხანდაზმულობისა და ავადმყოფობის მიუხედავად, მაინც ახერხებდა გაუქმებული ავტოფარეხის მიმდებარე მიწის მცირე ზომის ტერიტორიაზე ბოსტნეული მოეყვანა და თავი ამით ერჩინა, თუმცა რამდენიმე დღის წინ უცნობმა ადამიანებმა აღნიშნული მიწის ნაკვეთი შემოღობეს და მას აღარ უშვებენ.
როგორც ნაზი ჯავახიშვილი აცხადებს, ერთადერთი იმედი ხელსუფლების რეაგირებაა, რომ მას მიეცეს აღნიშნულ მცირე ზომის ნაკვეთზე ბოსტნეულის მოყვანის უფლება.
"პალიტრა TV"-მ, გასულ წელს, ნაზი ჯავახიშვილის შესახებ სიუჟეტიც მოამზადა, სადაც აღწერილი იყო მისი მძიმე სოციალური მდგომარეობის შესახებ. ნაზიკო ჯავახიშვილს ერთი შვილი ჰყავს, რომელიც პატიმარია, ხოლო შვილიშვილი კოჯრის ბავშთა სახლის ბენეფიციარია.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
