მიხეილ მაჭავარიანის ძმა მარგველაშვილის გუნდში საგარეო პოლიტიკას გაუწევს კურირებას

საპარლამენტი უმცირესობის წევრის, მიხეილ მაჭავარიანის ძმა ვანო მაჭავარიანი გიორგი მარგველაშვილის გუნდში საგარეო პოლიტიკს გაუწევს კურირებას.  როგორც  ჟურნალისტებს ახლად არჩეულმა პრეზიდენტმა გიორგი მარგველაშვილმა განუცხადა, ვიდრე თანმდებობაზე ოფიციალურად დაინიშნება, მაჭავარიანი მრჩევლის მოვალეობის შესრულებას განაგრძობს.

"ვანო იყო ჩემი მრჩეველი საარჩევნო პროცესის დროს ის "ჯიპას" პროფესორია და პროფესიონალურ გუნდთან ერთად საარჩევნო კამპანიის დროს მაძლევდა რჩევებს, რომელიც ჩემთვის იყო უაღრესად მნიშვნელოვანი. ახლა ვანო აგრძელებს ამ მუშაობას. ამ ეტაპზე ჩვენ არც ერთი თანამდებობაზე ოფიციალურად დანიშნული არ ვართ და მომავალში, ბუნებრივია, ვანო მაჭავარიანი წაიყვანს იმ მიმართულებას, რომელსაც კურირებდა მანამდეც - ესაა საგარეო პოლიტიკა", - განაცხადა მარგველაშვილმა, თუმცა კონკრეტულად რა თანამდებობაზე მოიაზრება ვანო მაჭავარიანის დანიშვნა, არ დაუკონკრეტებია.

"ინტერპრესნიუსი"