საბჭოთა კულინარიის შედევრები, რომლებმაც დროს გაუძლეს

საბჭოთა პერიოდმა დღევანდელ დიასახლისებს არაერთი საინტერესო კერძი შემოუნახა. ყოფილი რესპუბლიკების ეროვნული სამზარეულოების თავისებურებები, საბჭოთა დიასახლისების გამომგონებლური ნიჭი და კვების ტექნოლოგთა გამჭრიახობა საბოლოოდ საბჭოთა კულინარიის შედევრებად მოგვევლინა. გავიხსენოთ რამდენიმე მათგანი.

სალათა "შუბა" სელდით

მის შექმნელ დიასახლისს, სავარაუდოდ, სტუმრების სიახლით გაოცება სურდა, თუმცა იძულებული იყო მხოლოდ იმ დროისთვის შედარებით ხელმისაწვდომი პროდუქტებით ეხელმძღვანელა. რეცეპტი რვეულიდან რვეულში გადადიოდა და უამრავი ცვლილებაც განიცადა, თუმცა "შუბას" ძირითადი ინგრედიენტებად კვლავ ბოსტნეული, მაიონეზი და "სილიოდკა" დარჩა.

"ნაპოლეონი"

დარწმუნებით ვერავინ ამტკიცებს, რომ ეს ტიპური საბჭოთა კერძია, თუმცა ფაქტია, რომ ჩვენი დედები და ბებიები დიდი ძალისხმევას ხარჯავდნენ, რომ "ნაპოლეონის" ფირფიტები მაქსიმალურად ჰაეროვანი გამოსულიყო. შემდეგ კი უგემრიელეს კრემთან შეზავებული "პირში დნობად" მასაც ქცეულიყო.

"მიქოიანის კოტლეტი"

კერძი ვაჭრობის სახალხო კომისარს, სტას მიქოიანს უკავშირდება. ამ კერძის მიზანი იყო საბჭოთა მოქალაქეები საზოგადოებრივ სასადილოებში მიეზიდა.

"კილკა" ტომატში

შესანიშნავი იაფი საჭმელი უხარისხო თევზისგან, რომელიც ნედლეულის სახით ვერასოდეს გაიყიდებოდა.

ძეხვის ფორმის ყველი

შესანიშნავი იდეა გახლდათ ყველის ნარჩენების გამოყენებისთვის - გადნობა, გარსში ჩასხმა და გაცივება. დღემდე ინარჩუნებს პოპულარობას.

კიევური კოტლეტი

მისი გამოგონება გასული საუკუნის 70-იან წლებში კიევის რესტორნის ერთ-ერთ მზარეულს მიეწერება. მან მალევე დაიპყრო საბჭოთა გურმანების გულები და პოსტსაბჭოთა სივცეში ისევ პოპულარულია.

იხილეთ ფოტოგალერეა

მომზადებულია fishki.net-ის მიხედვით.