დათვზე მონადირეთა ჯგუფის 2 წევრი დაჯარიმდა

თელავის რაიონის სოფელ ფშაველში გამოვლენილი დათვზე მონადირეთა ჯგუფის 2 წევრი თელავის რაიონულმა სასამართლომ დააჯარიმა. თელავის რაიონულმა სასამართლომ ჯგუფის ერთ-ერთ წევრს, ზურაბ ნასყიდაშვილს 2000 ლარიანი ჯარიმა, ხოლო ზურაბ ჩალაბაშვილს 1 000 ლარიანი ჯარიმა დააკისრა. თელავის რაიონული პროკურატურის პროკურორის შოთა სარიას განცხადებით, ჩალაბაშვილს გარემოსთვის მიყენებული ზიანის საკომპენსაციოდ 10 000 ლარიანი ჯარიმის გადახდაც დაეკისრება.

შეგახსენებთ, გარემოსდაცვითი ზედამხედველობის დეპარტამენტის და შსს-ს თანამშრომლებმა, სოფელ ფშაველში დათვებზე მონადირეთა ჯგუფი 6 ნოემბერს გამოავლინეს. თელავის რაიონული პროკურატურის ინფორმაციით, ჯგუფის დანარჩენ წევრებს ნადირობაში მონაწილეობა არ მიუღიათ, ამიტომ ისინი პასუხისგებაში არ მისცეს.

იხილეთ ვრცლად

კახეთის საინფორმაციო ცენტრი