არსებული ინფორმაციით, გაერთიანებული შტაბის უფროსის თანამდებობაზე ვახტანგ კაპანაძე ინიშნება

საქართველოს შეიარაღებული ძალების გაერთიანებული შტაბის უფროსის თანამდებობაზე ირაკლი ძნელაძეს სავარაუდოდ ვახტანგ კაპანაძე შეცვლის. ამის შესახებ ინფორმაცია "ინტერპრესნიუსს" სამთავრობო უწყებებში დაუდასტურეს.

საქართველოს შეიარაღებული ძალების გაერთიანებული შტაბის დებულების თანახმად, გაერთიანებული შტაბის უფროსს, საქართველოს თავდაცვის მინისტრის წარდგინებით, თანამდებობაზე საქართველოს პრეზიდენტი ნიშნავს.

ირაკლი ძნელაძე აღნიშნულ თანამდებობაზე გასული წლის დეკემბერში დაინიშნა.

ვახტანგ კაპანაძე ამ დროისათვის გაერთიანებული შტაბის უფროსის მოადგილეა.

"ინტერპრესნიუსი"