"ქართული ოცნება" თბილისის მერობის კანდიდატად დავით ნარმანიას დაასახელებს

"ქართული ოცნების" პოლიტსაბჭომ გადაწყვეტილება მიიღო, რომ თბილისის მერობის კანდიდატად დავით ნარმანია დაასახელოს.

როგორც "ინტერპრესნიუსს"  პარტია "ქართული ოცნების" პრესსამსახურიდან აცნობეს, კოალიცია ,,ქართული ოცნების" პოლიტიკური საბჭოს მორიგი სხდომა გუშინ გაიმართა.

მათივე ცნობით, შეხვედრაზე კოალიციის ლიდერებმა თვითმმართველობის რეფორმასა და მის მნიშვნელობაზე იმსჯელეს. ამავე შეხვედრაზე გადაწყდა, რომ თბილისის მერობის კანდიდატად დავით ნარმანია დასახელდეს, რომელიც ამჟამად რეგიონული განვითარებისა და ინფრასტრუქტურის მინისტრია.

"ინტერპრესნიუსი"