პუშკინის სკვერთან "ჩოხოსნებმა" ძმები დაჭრეს

პუშკინის სკვერთან მომხდარ ინციდენტზე, რომლის შედეგად ორი ძმა დაიჭრა, საქმე "სისხლის სამართლის კოდექსის" 118-ე მუხლით - ჯანმრთელობის განზრახ ნაკლებად მძიმე დაზიანების ბრალდებით აღიძრა. პოლიციას ეჭვიმატანილები ჯერ არ დაუკავებია.

ამის შესახებ "ინტერპრესნიუსს" შსს-ს საზოგადოებასთან ურთიერთობის სამსახურში აცნობეს, სადაც მომხდართან დაკავშირებით დამატებითი ინფორმაცია არ ვრცელდება.

არსებული ინფორმაციით კი, პუშკინის სკვერთან ორმა "ჩოხოსანმა" შელაპარაკების დროს ძმები დაჭრა.

სსკ-ის 118 მუხლი ითვალისწინებს დასჯას გამასწორებელი სამუშაოთი, ვადით თვრამეტ თვემდე ან თავისუფლების შეზღუდვას, ვადით სამ წლამდე ან თავისუფლების აღკვეთას, ვადით ერთიდან სამ წლამდე.

"ინტერპრესნიუსი"