ქუთაისის ციხეში გარდაცვლილი გოგა ძველაიას ექსპერტიზის დასკვნა ცნობილია

ქუთაისის #2 ციხეში 16 წლის პატიმარის გოგა ძველაიას გარდაცვალების საქმეზე დამოუკიდებელი სამედიცინო ექსპერტის დასკვნა უკვე ცნობილია. როგორც ირკვევა, მაია ნიკოლეიშვილის დასკვნა ლევან სამხარაულის მიერ გაცემული დასკვნის იდენტურია.

ძველაიების ოჯახის ადვოკატის, ლედი ტუკვაძის განცხადებით, დასკვნაში მიცვალებულის ყელის არეში არსებულ სილურჯესთან დაკავშირებით ნათქვამია, რომ ის შესაძლოა, იმ მარყუჟს დაეტოვებინა, რომლითაც გამოძიების მიხედვით, ძველაიამ თავი ჩამოიხრჩო.

ძველაიები ამჯერად სამხარაულის ექსპერტიზის ბიუროსგან მეორე დასკვნის შედეგებს ელოდებიან, რომელიც ციხიდან ამოღებულ ვიდეოფირებს ეხება.

წყარო: topnews.com.ge

topnews.com.ge