ივანე მრისხანეს როლის შემსრულებელი გარდაიცვალა

86 წლის ასაკში რუსი კინოსა და თეატრის მსახიობი იური იაკოვლევი გარდაიცვალა. ამის შესახებ რუსული მედია წერს. გარდაცვალების ზუსტი მიზეზი ჯერჯერობით არ სახელდება.

მსახიობი მოსკოვში 1928 წელს დაიბადა. თეატრში 51 წლიანი მოღვაწეობის დროს მან 30-ზე მეტი როლი შეასრულა. მსახიობს შესრულებული აქვს 70-ზე მეტი კინოროლი. მათ შორის ყველაზე ცნობილია ივანე მრისხანეს როლი ფილმში ”ივან ვასილევიჩი იცვლის პროფესიას”.

მომზადებულია lenta.ru-ს მიხედვით.