მიუნხენის აეროპორტში უკრაინელებს ევროკავშირის მოქალაქეებისთვის განკუთვნილ გასასვლელში ატარებდნენ

დღეს მიუნხენის აეროპორტის თანამშრომლები, სიმბოლურად,  უკრაინის მოქალაქეებს სპეციალურად ევროკავშის მოქალაქეებისთვის განკუთვნილ გასასვლელში ატარებდნენ. ამის შესახებ lb.ua  სოციალურ ქსელში გავრცელებულ ინფორმაციაზე დაყრდნობით წერს.

”მეგობარმა იმგზავრა უკრაინიდან გერმანიაში, საზღვარზე გერმანელი მებაჟეები საჩვენებლად მიუთითებდნენ უკრაინის მოქალაქეებს გაევლოთ სპეციალურ ფანჯარაში, რომელიც ევროკავშირის მოქალაქეებისთვის იყო განკუთვნილი”,- დაწერა სოციალური ქსელის მომხმარებელმა ბოგდან გლობმა.

შეგახსენებთ, უკრაინაში უკვე რამდენიმე დღეა ევროინტეგრაციის მომხრეთა აქციები მიმდინარეობს.

მომზადებულია lb.ua -ს მიხედვით.