პიტერ ოტული 81 წლის ასაკში გარდაიცვალა

მსახიობი პიტერ ოტული 81 წლის ასაკში ლონდონში მდებარე საავადმყოფოში ხანგრძლივი ავადმყოფობის შედეგად გარდაიცვალა.

"ის ყველაზე კეთილი და მგრძნობიარე ადამიანი იყო მათ შორის ვისთანაც კი ურთიერთობა მქონია", - განაცხადა მსახიობის აგენტმა სტივ კენისმა ჟურნალისტებთან საუბარში.

ვეტერანი მსახიობის გარდაცვალებას შოუბიზნესის წარმომადგენლები და საზოგადოებისთვის ცნობილი სახეები გამოეხმაურნენ - მათ შორის, მწუხარება ბრიტანეთის პრემიერ-მინისტრმა დევიდ კემერონმაც გამოთქვა.

50-წლიანი თავბრუდამხვევი კარიერის განმავლობაში თეატრისა და კინოს ვარსკვლავმა თაყვანისმცემლებისთვის არაერთი საინტერესო სახე შექმნა. ის ოსკარის ნომინაციაზე რვაჯერ იყო წარდგენილი, მაგრამ პრესტიჟული ჯილდო არასდროს მიუღია.

მომზადებულია bbc.co.uk-ის მიხედვით.