ინდოეთში ქეთევან დედოფლის ნეშტის ნაწილი აღმოაჩინეს

ინდოეთის შტატ გოაში, ეკლესიის ნანგრევებში, ერთ-ერთ სარკოფაგში ქეთევან დედოფლის მკლავის ძვალი აღმოაჩინეს.

ლიტერატურული წყაროებით, 1613 წელს, როდესაც კახეთი სპარსელებმა დაიპყრეს, დედოფალი დაატუსაღეს. მას შემდეგ, რაც დედოფალმა მუსლიმანობის მიღებაზე უარი თქვა, შაჰ აბასის ბრძანებით აწამეს და სიკვდილით დასაჯეს - არსებული ცნობით, ქეთევან წამებულის ნეშტის ნაწილი ქრისტიანმა მისიონერებმა გოაში, ნეტარ ავგუსტინის ეკლესიაში გადაასვენეს და სარკმლებში ჩაასვენეს.

1800 წელს ეკლესია განადგურდა. თუმცა, ქართველმა და ინდოელმა არქეოლოგებმა მკლავის ძვალი აღმოაჩინეს; ძვლის მიტოქონდრიული დეენემის ანალიზის მიხედვით, ის ქეთევან დედოფალს უნდა ეკუთვნოდეს.

ქართულმა ეკლესიამ ქეთევან დედოფალი წმინდანად შერაცხა.

მომზადებულია archaeology.org-ის მიხედვით.