პრეზიდენტმა 54 პატიმარი შეიწყალა

საქართველოს პრეზიდენტმა შეწყალების თაობაზე განკარგულება გამოსცა. როგორც "ინტერპრესნიუსს" პრეზიდენტის პრესსამსახურიდან აცნობეს, პრეზიდენტმა ხელი მოაწერა "სასჯელის სხვადასხვა ზომით მსჯავრდებულთა შეწყალების შესახებ, საქართველოს პრეზიდენტის 2014 წლის, 19 იანვრის N19/01/01" განკარგულებას, რომლის თანახმადაც სულ შეწყალებულია 54 პირი, საიდანაც 2 არასრულწლოვანი და 3 ქალია.

პრეზიდენტის განკარგულება გადაეგზავნა სასჯელაღსრულების, პრობაციისა და იურდიული დახმარების საკითხთა სამინისტროს.

შეწყალებულმა პირებმა საპატიმროები უკვე დატოვეს.

"ინტერპრესნიუსი"